« önceki sonraki »
Sayfa: [1]   Aşağı git

Gönderen Konu: Gayr İle Her Dem Nedür Seyr-i Gülistân Etdüğün  (Okunma sayısı 629 defa)

0 Üye ve 1 Ziyaretçi konuyu incelemekte.

Çevrimdışı Özgür Kız

  • Özel Üye
  • *
  • İleti: 21541
  • Rep 3950
Gayr İle Her Dem Nedür Seyr-i Gülistân Etdüğün
« : Ekim 04, 2018, 01:48:50 ÖS »
Gayr ile her dem nedür seyr-i gülistân etdüğün
Bezm edüp halvet kılup yüz lutf u ihsân etdüğün
Ahd bünyadın mürüvvetdür mi vîrân etdüğün
Hanı ey zâlim bizümle ahd ü peymân etdüğün

Lahza lahza müddeî pendin dür-i gûş eyledün
Kana kana gayr câm-ı şevkini nûş eyledün
Vara vara ahd ü peymânı ferâmûş eyledün
Hanı ey zâlim bizümle ahd ü peymân etdüğüm

Gayre salup mihrüni bizden savutdun âkıbet
Terk-i mihr etdün tarîk-i zulm dutdun âkıbet
Ahdler peymânlar etmişdün unuttun âkıbet
Hanı ey zâlim bizümle ahd ü peymân etdüğüm

Cürmümüz n’oldı ki bizden eyledün bîzârlığ
Biz gamun çekdük sen etdün özgeye gam-hârlığ
Sizde âdet bu mıdur beyle olur mı yârlığ
Hanı ey zâlim bizümle ahd ü peymân etdügün

Çerh tek bed-mihrliğ resmini bünyâd eyledün
Yahşi adun var iken döndün yaman ad eyledün
Döne döne bizi gam-nâk özgeni şâd eyledün
Hanı ey zâlim bizümle ahd ü peymân etdüğün

Gönlümüz min-ba‘d zülfünçün perîşân olmasun
Bağrumuz la‘lün hevâsiyle dahi kan olmasun
Bî-vefâsen çeşmümüz yâdunla giryân olmasun
Hanı ey zâlim bizümle ahd ü peymân etdüğün

Va‘de-i vasl ile aldun sabrumuz ârâmumuz
Olmadı her gün visâlünden müyesser kâmumuz
Geçdi hecr ile Fuzûlîden beter eyyâmumuz
Hanı ey zâlim bizümle ahd ü peymân etdüğün


Fuzuli
Kayıtlı
 
Sayfa: [1]   Yukarı git
« önceki sonraki »
 

Related Topics

  Konu / Başlatan Yanıt Son İleti
0 Yanıt
1065 Gösterim 		Son İleti Ocak 04, 2014, 09:58:31 ÖÖ
Gönderen: Bαhαdır S.
0 Yanıt
938 Gösterim 		Son İleti Ocak 04, 2014, 09:58:47 ÖÖ
Gönderen: Bαhαdır S.
0 Yanıt
1025 Gösterim 		Son İleti Ocak 04, 2014, 09:59:06 ÖÖ
Gönderen: Bαhαdır S.